- Shqip
- English
Debati i Parë mbi dhunën kundër LGBT në OKB
- Mar 06, 2012
- Ambasada Pink
6 mars 2012
Dita e 7 Marsit do t? jetë e një rëndësie dhe vlere të jashtëzakonshme për levizjen LGBT kudo në botë. Këshilli i të Drejtave të Njeriut pranë Kombeve të Bashkuara do të diskutojë në një panel ndërkombëtar krimet e kryera kundër personave lesbike, gei, biseksuale, transgjinore dhe interseks kudo në botë.
Ky është momenti për të treguar solidaritet dhe mbështetje dhe për ta ndarë me ju këtë lajm të gëzueshëm.
Në Dhjetor 2011, Kombet e Bashkuara publikuan raportin e parë të prodhuar në kontekstin e të drejtave të njeriut mbi çështjet e orientimit seksual dhe identitetit gjinor: “Discriminatory laws and practices and acts of violence against individuals based on their sexual orientation and gender identity”. Versionin në anglisht të këtij raporti mund ta gjeni në këtë link:
Takimi i ditës së nesërme është një hap i rëndësishëm përpara sepse në të do të diskutohen të gjitha informacionet dhe dijet shqetësuese të përftuara në raport. Ky takim do të jetë edhe një thirrje e fuqishme për qeveritë e të gjithë botës që të marrin masa, për mbrojtjen e personave LGBT.
Ky është një panel, i cili do arrijë që të diskutojë për herë të parë një kuptim më të mirë të të drejtave të njeriut edhe në kontekstin e identitetit gjinor dhe orientimit seksual.
Për ta parë live këtë takim klikoni linkun:
http://www.unmultimedia.org/tv/webcast/c/un-human-rights-council.html
Sipas orës lokale, ju do mund ta ndiqni këtë takim, në orën 12:00 të mesditës.
Ambasada PINK do ketë kënaqësinë t’ju përditësojë mbi këtë event të rëndësishëm gjatë ditës së nesërme.